Shaxmat bo‘yicha O‘zbekiston erkaklar milliy jamoasi Osiyo O‘yinlarida delegatsiyamizga navbatdagi medalni taqdim qildi.

Shaxmatchi yigitlarimiz jamoaviy dasturda bronza medallariga egalik qilishdi. Nodirbek Abdusattorov, Javohir Sindarov, Nodirbek Yoqubboyev, Jahongir Vohidov va Shamsiddin Vohidovdan iborat O‘zbekiston milliy jamoasi so‘nggi turda Tailandni 4:0 hisobida mag‘lub etib, Osiyo O‘yinlari bronza medaliga ega chiqishdi.