Futzal bo‘yicha Yevropa chempionatida ikkinchi finalchi ham aniqlandi.

Amaldagi chempion Portugaliya Ispaniya bilan o‘yinda 0:2 hisobida yutqaza turib, so‘nggi 10 daqiqada 3ta gol urdi va irodali g‘alabaga erishdi.

E’tiborlisi, ushbu ikki jamoa avvalgi qit’a chempionati finalida to‘qnash kelishganda ham portugallar 3:2 hisobida ustun kelgandi.

Portugaliya 6 fevral kuni finalda Rossiya bilan ro‘baro‘ keladi. Ispaniya va Ukraina esa 3-o‘rin uchun bahs yuritishadi.

Futzal. Yevro-2022. Yarimfinal
Portugaliya — Ispaniya 3:2
4 fevral. Amsterdam. «Ziggo Doum»
Gollar: Koelyu (29, penalti), Ziki (32, 39) — Gomes (1), Chino (13).20:05