Vladimir Fedotov Moskvaning SSKA klubi bosh murabbiyi etib tayinlandi.

O‘tgan mavsum «Sochi»ni boshqargan rossiyalik 55 yoshli mutaxassis armiyachilar bilan uzoq muddatli shartnoma imzoladi. Klub bugun, 15 iyundan yangi murabbiy qo‘l ostida yig‘inga kirishgan.

Bungacha jamoani boshqargan Aleksey Berezutskiy mavsum yakunida Moskva klubi bilan xayrlashgan edi.

Ma’lumot uchun, yakunlangan mavsum «Sochi» o‘z tarixida ilk marta RPLda 2-o‘rinni egallagan bo‘lsa, SSKA 5-pog‘onani band etdi.