«Markaziy» stadionda o‘tgan uchrashuvda «Nasaf» OKMKga qarshi saf tortdi. Uchrashuvda hisob mehmonlar yarimhimoyachisi Siyovush Haqnazariy tomonidan ochilgan bo‘lsa-da, G‘olib G‘aybullayev taym yakunida hisobni tenglashtirdi – 1:1.

Ikkinchi bo‘limning 60-daqiqasida esa Alibek Davronov jamoasining ikkinchi goliga mualliflik qilib, stadionni larzaga keltirdi – 2:1.

O‘yin yakuniga qadar «Nasaf» g‘alabani saqlab qoldi va shu tariqa, Ro‘ziqul Berdiyev shogirdlari Mirjalol Qosimov jamoasidan ustun kelib, Buxoroda o‘tadigan finalga yo‘llanma oldi. Ikkinchi finalchi 14 oktyabr kuni «Navbahor» – «So‘g‘diyona» o‘rtasidagi yarimfinaldan keyin ma’lum bo‘ldi.

O‘zbekiston kubogi. Yarimfinal
13 oktyabr (payshanba)
«Nasaf» – OKMK – 2:1
Hakamlar: Temurbek To‘xtasinov, Andrey Sapenko, Temur Gaynullin, Ilya Ilin.
VAR hakami: Akobirxo‘ja Shukurullayev
AVAR hakami: Aleksandr Sidorov
Nazoratchi: Baxtiyor Namozov
Komissar: Sardor Qudratullayev
Gollar: G‘olib G‘aybullayev 45+2, Alibek Davronov 60 – Siyovush Haqnazariy 36.
«Nasaf»: 1.Umidjon Ergashev, 2.Alibek Davronov, 4.Husniddin Aliqulov, 5.G‘olib G‘aybullayev, 8.Dilshod Saitov (27.Zafarmurod Abdiraxmatov, 57) 10.Husayn Norchayev, 19.Lima Kruz (17.Suhrob Nurulloyev, 78), 22.Akmal Mozgovoy ( 6.Murodbek Rahmatov, 78), 34.Sherzod Nasrullayev (7.Sharof Muhitdinov, 57), 88.Marko Stanoyevich, 92.Umarbek Eshmurodov (14.Alen Masovich, 88).
OKMK: 1.Botirali Ergashev, 7.Dilshod Ahmadaliyev, 5.Anzur Ismoilov, 16.Artyom Filiposyan, 3.Sardor Rahmonov, 15.Giorgi Papava, 8.Abdulla Abdullayev (19.Muhammadanas Hasanov, 76), 88.Siyovush Haqnazariy, 22.Shohrux Gadoyev (17.Sanjar Tursunov, 76), 10.Xurshid G‘iyosov, 27.Martin Boake.