«Atletiko» klubi yozgi transfer oynasida yarimhimoya chizig‘ini kuchaytirmoqda.

Klub rasmiy sayti Dortmundning «Borussiya» klubi yarimhimoyachisi Aksel Vitsel Madrid jamoasi a’zosiga aylanganini e’lon qildi. Belgiyalik futbolchi bilan bir yillik shartnoma imzolangan. U madridliklar safiga erkin agent sifatida kelib qo‘shilgan.

Ma’lumot uchun, Vitsel nemis klubi safida jami 144 o‘yin o‘tkazib, 13ta gol va 6ta assistga mualliflik qilgan. U shuningdek, «Benfika» va «Zenit» safida to‘p surgan.