Nikola Vlashich Yevro-2024da o‘ynamaydi.

Xorvatiya milliy jamoasi yarimhimoyachisi mushaklaridagi jarohat tufayli jamoani tark etdi va qit’a chempionatini o‘tkazib yuboradigan bo‘ldi.

«Nikola Yevro-2024da jamoaga yordam berish uchun ko‘p mehnat qildi va u jamoaning ajralmas qismi hisoblanadi. Afsuski, u ikkinchi marta jarohat oldi va men unga qilgan barcha ishlari uchun faqat rahmat aytishim mumkin», — dedi xorvatlar ustozi Zlatko Dalich.

«Bu yangi jarohat jamoaga yordam berishga imkon bermaganidan juda afsusdaman. Tayyor bo‘lish uchun qo‘limdan kelganini qildim va menga imkoniyat bergani uchun bosh murabbiy hamda uning shtabiga minnatdorchilik bildiraman. Men bu jamoaga va ularning muvaffaqiyatga erishishiga ishonaman. Ularning eng ashaddiy muxlisi bo‘laman!» – dedi «Torino» futbolchisi.

Yevro-2024 guruh bosqichining birinchi turida Xorvatiya Ispaniyaga imkoniyatni boy berdi (0:3). Vlashich bu o‘yinda maydonga tushmadi.