Saudiya Arabistoni chempionati 5-turi doirasida «An-Nasr» klubi «Al-Vahda»ni qabul qildi.

Ar-Riyod va Makka shahri jamoalari o‘rtasidagi bahsning 41-daqiqasida Anjelo Gabriel hisobni ochgan bo‘lsa, 56-daqiqada Ronaldu penaltidan jamoasining ishonchli g‘alabasini ta’minladi – 2:0.

Ushbu gol Krishtianuning ar-riyodliklar safida 17-penaltidan kiritgan 17-goli bo‘ldi. Butun faoliyatida esa u 196ta penaltidan 166ta gol urgan. «Al-Vahda» darvozasiga yo‘llagan gol esa 39 yoshli portugaliyalik forvardning faoliyatidagi 903-golga aylandi.

Shu tariqa, «An-Nasr» 11 ochko bilan hozircha 2-o‘ringa ko‘tarildi. Makka klubi esa 18 jamoa orasida 14-o‘rindan joy olgan.

Saudiya Pro ligasi. 5-tur

An-Nasr – Al-Vahda – 2:0

Gollar: 1:0 – 41 Anjelo Gabriel, 2:0 – 56, penalti Ronaldu.

An-Nasr – Bento, Laport (Al-Fatil, 84), Simakan, Al-G‘anam, An-Najdi (Bushal, 67), Otavio (Al-Hassan, 68), Al-Haybari, Uesli (G‘arib, 67), Mane, Anjelo Gabriel (Yahyo, 84), Ronaldu.

Al-Vahda – Al-Oysher, Ali, El-Yamik (As-Salim, 68), Kretsu, Al-Moualad, Al Makahasi, Bakshuin, Bakuna (Naji, 69), Gudvin (Khodari, 78), Amin, Igalo (Noor Sheik, 68).

Chetlatish: Bakshuin (86).