«Liverpul» hujumchisi Muhammad Saloh mavsum oxirida ingliz klubini tark etishi mumkin.

El Nacional xabariga ko‘ra, Misr milliy jamoasi futbolchisiga «PSJ» va «Yuventus» qiziqish bildirmoqda.

Ta’kidlanishicha, «PSJ» 32 yoshli vingerni hujumga ideal qo‘shimcha sifatida ko‘rmoqda. «Yuventus» esa o‘zining yangi loyihasi uchun tajribali va sifatli futbolchini qidirmoqda — Saloh bu rolga juda mos keladi.

Futbolchi bu mavsumda klub safida barcha turnirlar doirasida 3 ta o‘yin o‘tkazib, 3 tadan gol va assistni o‘z hisobiga yozdirib qo‘ydi. Saloh «qizillar» safida jami 352 ta o‘yin o‘tkazib, 214 ta gol urgan va 92 ta golli uzatmani amalga oshirgan. Transfermarkt portalida berilgan ma’lumotlarga ko‘ra, futbolchining bozor qiymati 55 mln yevroni tashkil qiladi.