Koul Palmer Premer-ligada bir kalendar yilida gol urish va golli uzatma berish bo‘yicha «Chelsi» rekordini o‘rnatdi.

«Ko‘klar» yarimhimoyachisi APLning 15-turidagi «Tottenhem» (4:3) bilan o‘yinning 61 va 84-daqiqalarida penaltidan dubl qayd etdi.

Angliyalik futbolchi 2024 yil boshidan beri APLda 38 ta golda qatnashdi — 25 gol va 13 assist. Natijada Koul 2001 yilda Jimmi Floyd Hasselbaynk tomonidan o‘rnatilgan «Chelsi» rekordini yangiladi. O‘shanda sobiq hujumchi bir kalendar yilida gol+pas bo‘yicha 36 ochko to‘plagandi.

2024/25 yilgi mavsumda Palmer APLda 11 ta gol urdi va 6 ta golli uzatmani amalga oshirdi. U gol+pas bo‘yicha ligada Muhammad Salohdan keyin 2-o‘rinni egallab turibdi.