OFK Elit Chempionlar ligasi 3-turi doirasida «An-Nasr» Dubayda «Istiqlol» mehmoni bo‘ldi.

Xavfsizlik nuqtai nazaridan kelib chiqqan holda Tehrondan Dubayga ko‘chirilgan uchrashuv tengkurashlar ostida kechgan bo‘lsa-da, Saudiya Arabistoni klubi 81-daqiqada g‘alaba golini urdi. Ronalduning zarbasini darvozabon qaytargan bo‘lsa, qaytgan to‘pni Laport darvoza to‘riga yo‘lladi – 1:0.

Shu kuni forslar safida Jaloliddin Masharipov 72-daqiqagacha to‘p surgan bo‘lsa, Ronaldu arab jamoasida to‘liq o‘yin o‘tkazdi.

Shu tariqa, «An-Nasr» 7 ochko bilan 4-o‘rinda bormoqda, «Istiqlol» 3 ochko bilan 6-o‘rindan joy olgan.

OFK Elit Chempionlar ligasi. 3-tur

Istiqlol (Eron) – An-Nasr (S.Arabistoni) – 0:1

Gol: 0:1 – 81 Laport.

Istiqlol – Husseyni, Jaloli (Zakipur, 87), Rizoyon, Moradmand, Fallax, Rafael Silva, Niknafs (Rizovand, 88), Ndong, Jaloliddin Masharipov (Kakuta, 72), Islomi (Blanko Leuk, 88), Muhammadi (Kushki, 7).

An-Nasr – Bento, An-Najdi (Al-Ganam, 46), Laport, Simakan (Al-Avdjami, 46), Bushal, Al-Xaybari (Al-Xassan, 46), Brozovich, Otavio, Mane (Uesli, 83), Anjelo Gabriel (Taliska, 65), Ronaldu.

Ogohlantirish: Masharipov (49).