«Manchester Yunayted» Kenan Yildizni sotib olmoqchi.

Ingliz klubi 19 yoshli futbolchini hujumkor yarimhimoyachi pozitsiyasini mustahkamlash uchun asosiy nomzodlardan biri sifatida ko‘rmoqda, deb xabar beradi Sky Sport jurnalisti Florian Plettenberg.

Mankunianliklar «Yuventus» futbolchisining rivojlanishidan hayratda va uni diqqat bilan kuzatishda davom etmoqda.

Biroq turkiyalik vingerning o‘zi «keksa sinora» safini tark etish niyatida emas. U klubda o‘zini juda yaxshi his qilmoqda va keyingi mavsumda ham qolish niyatida.

Yildiz A Seriyaning ushbu mavsumida 14 ta o‘yinda maydonga tushib, 3 ta gol urdi va 2 ta golga assistentlik qildi.