«Manchester Yunayted» himoyachilari Viktor Lindelyof va Lisandro Martines jarohati sabab bir oy maydonga tusha olmaydi.

Lindelyof APLning 30-turida «Brentford»ga qarshi o‘yinda (1:1) sonidan jarohat oldi.

Shvetsiyalik futbolchi 69-daqiqada tizzasidan olgan jarohati tufayli 6 hafta maydonga tushmagan Lisandro Martinesga almashtirildi.

Mankunianliklar matbuot xizmati xabariga ko‘ra, Viktor o‘rniga maydonga tushgan argentinalik himoyachi ham yana safdan chiqqan. U mashg‘ulot vaqtida boldir mushagidan jarohat olgan. Bu — Lisandroning ushbu mavsumdagi 3-jarohati.

Har ikki futbolchi kamida bir oy o‘ynay olmaydi.