Luka Modrich futbolchilik faoliyatini JCH-2026gacha yakunlamoqchi emas.

Bu haqda Marca xabar bermoqda. «Real»ning 39 yoshli yarimhimoyachisi hali ham yuqori saviyada o‘ynay olishiga ishonmoqda.

Modrich Xorvatiya milliy jamoasi tarkibida AQSH, Meksika va Kanada mezbonlik qiladigan 2026 yilgi mundial ishtirok etishi mumkinligini istisno etmayapti. Yarimhimoyachi o‘sha vaqtgacha «Real»ni tark etmoqchi emas.

Bu mavsumda Modrich La Ligada 9 ta o‘yin o‘tkazib, 1ta golli uzatmani amalga oshirdi. Shuningdek, Luka Chempionlar Ligasi doirasida «Shtutgart»ga qarshi bahsda ham assistni o‘z hisobiga yozdirib qo‘ydi.