«Inter Mayami» jamoaning yangi bosh murabbiyi nomini rasman e’lon qildi.

Klub rasmiy sayti xabariga ko‘ra, argentinalik mutaxassis Xaviyer Maskerano Mayami klubida ish boshlagan.

Xerardo Martino shaxsiy sabablar tufayli Mayami klubidan iste’foga chiqishga qaror qilgach, Messi yetakchiligidagi jamoani uning sobiq jamoadoshi Xaviyer Maskerano boshqaradigan bo‘ldi. 40 yoshli murabbiy bilan 2027 yilgi mavsum yakuniga qadar shartnoma imzolangan.

Maskerano bunga qadar Argentina yoshlar jamoasi bosh murabbiyi sifatida faoliyat yuritayotgan edi.

Avvalroq, Xavi AQSH klubi taklifini rad etib, Yevropa klublaridan taklif kutayotgani haqida xabar berilgandi.

Eslatib o‘tamiz, Maskerano «Barselona»da Messi, Suares, Alba va Buskets singari futbolchilar bilan birga faoliyat yuritgan edi.