«Vest Hem» bosh murabbiyi Xulen Lopetegi Angliya liga kubogi doirasida «Liverpul»dan uchralgan mag‘lubiyat (1:5) haqida fikrini bildirib, shogirdlari mavsumdagi eng yaxshi o‘yinlaridan birini o‘tkazganini aytdi.

«Fikrimcha, biz mavsumdagi eng yaxshi o‘yinlarimizdan birini o‘tkazdik. Ammo ko‘pchilik faqat hisobga qarasa, bunday deb o‘ylamaydi. Bizda juda ko‘p imkoniyatlar bo‘lgandi, aslida bunday hisobli mag‘lubiyatga loyiq emasdik. Vaziyatlarni golga aylantira olmadik. Maydonda 10 kishi bo‘lib qolganimizdan keyin esa holatimiz ancha qiyinlashdi. Liga kubogidan chiqib ketdik, endi bor e’tiborimizni undan muhimroq bo‘lgan turnir – Premer-ligaga qaratamiz», – deydi «Vest Hem» bosh murabbiyi.