«Liverpul» Muhammad Salohga yangi shartnoma taklif qildi.

The Athletic xabariga ko‘ra, klub 32 yoshli vingerga ushbu mavsum oxirida tugaydigan bitimni uzaytirish bo‘yicha taklif yuborgan.

Ta’kidlanishicha, ayni vaqtda «Liverpul» va Saloh kelishuvga erishishdan uzoqda — shartnomani uzaytirish imkoniyatlari oshib borayotganiga qaramay, hozircha misrlik futbolchining klubda qolishiga ishonch yo‘q.

Bu mavsumda Saloh mersisaydliklar safida 14 ta o‘yinda maydonga tushib, 13 ta gol urdi va 8 ta golli uzatmani amalga oshirdi. U APL to‘purari bo‘lib turibdi.