Janubiy Amerika mintaqasida 2026 yilgi jahon chempionati saralashi doirasida 8-turning birinchi o‘yini yakunlandi. Unda Kolumbiya peshqadam Argentinani qabul qilib, Xames Rodrigesning gol va assisti evaziga g‘alaba qozondi.

Kolumbiya ochkolarini 16 taga yetkazib, 2-o‘ringa ko‘tarilib oldi. Barcha turnirlar doirasida 12 o‘yinlik mag‘lubiyatsiz seriyasi barham topgan Skaloni jamoasi 18 ochko bilan yetakchilikni saqlab turibdi.

JCH-2026 saralashi, 8-tur

Kolumbiya — Argentina 2:1

11 sentyabr, «Metropolitano Roberto Melendes»

Gollar: Moskera (25), Rodriges (60, penalti) — Gonsales (48).

Kolumbiya – Vargas, Moxika, Lukumi, Moskera (Kabal, 88), Munos, Aryas (Kastano, 79), Lerma, Rios, Xames (Portilya, 90+3), Dias, Duran (Kordoba, 79).

Argentina – Martines, Martines (Akunya, 64), Romero, Otamendi, Montiel (Molina, 46), Fernandes (Dibala, 85), Paredes (Mak Allister, 64), De Paul (Lo Chelso, 74), Gonsales, Martines, Alvares.

Ogohlantirishlar: Montiel (21), Duran (79), Vargas (90).