19 noyabr kuni Jahon chempionati saralash bosqichi 6-tur doirasida B guruhidagi dastlabki o‘yin bo‘lib o‘tdi.

Falastin Janubiy Koreyaga qarshi bahsda 12-daqiqada Al Qanbarning tezkor goli evaziga hisobda oldinga chiqib olgandi, ammo oradan 4 daqiqa o‘tib, Son Hyon Min javob to‘pini kiritdi — 1:1. Shu tariqa, tomonlar 1 ochkodan bo‘lishib olishdi.

E’tiborlisi, koreyslar 1-turda ham o‘z maydonida Falastin bilan durang (0:0) o‘ynagan edi.

Guruhda ikkinchi bor ochko yo‘qotgan J.Koreya 14 ochko bilan peshqadamlikni saqlab qoldi. Falastin esa 3 ochko bilan beshinchi pog‘onada.

JCH-2026 saralashi. B guruhi. 6-tur

Falastin — J. Koreya 1:1

Gollar: Al Qanbar, 12 — Son, 16.