Zlatan Ibrahimovichning o‘g‘li Maksimilian «Milan» o‘yinchisiga aylandi.

17 yoshli Maksimilian Ibrahimovich klub bilan faoliyatidagi birinchi professional shartnomani imzoladi. U klubning yoshlar jamoasi safida faoliyat yuritadi.

Qayd etish joiz, Zlatanning o‘g‘li bungacha «Milan»ning turli yosh toifalaridagi jamoalarida to‘p surib kelayotgandi.

Eslatib o‘tamiz, Ibrahimovich 2023 yil 41 yoshda klubda futbolchilik faoliyatini yakunlagandi.