Argentina

Futzal bo‘yicha JCH-2024 chorakfinali doirasidagi so‘nggi bahsda qo‘shni Qozog‘iston milliy jamoasi amaldagi vitse-chempion Argentinaga qarshi saf tortdi.

Toshkentdagi «Humo Arena»da o‘tgan bahsda qozog‘istonlik yuzlab muxlislar o‘z jamoalarini qo‘llab-quvvatlagan bo‘lsa-da, Argentina raqibidan tajriba bobida ustunligini ko‘rsata oldi. Bahsda Janubiy Amerika qit’asi vakili 6:1 hisobida zafar quchdi va yarimfinalga yo‘llanma olgan so‘nggi jamoaga aylandi.

Shu tariqa, Argentina yarimfinalda Fransiyaga qarshi parketga chiqadi. Ikkinchi juftlikda Braziliya va Ukraina to‘qnash keladi. O‘yinlar 2-3 oktyabr kunlari bo‘lib o‘tadi.

Futzal. JCH-2024. 1/8 final.

Qozog‘iston – Argentina – 1:6