«Real Sosiyedad» SSKAdan Abbos Fayzullayevga jiddiy qiziqish bildirmoqda. Bu haqda Metaratings xabar bermoqda.

Avvalroq «Monako» 21 yoshli yarimhimoyachi uchun taxminan 15 mln yevro taklif qilishga tayyorligi haqida ma’lumotlar paydo bo‘lgandi.

Fayzullayevning Moskva klubi bilan shartnomasi 2026 yilning iyunigacha amal qiladi.

Bu mavsumda o‘zbekistonlik yarimhimoyachi RPLda 15 o‘yin o‘tkazib, 2 gol urdi va 3 golga assistentlik qildi.

Transfermarkt Fayzullayevning narxini 6 million yevroga baholamoqda.