OFK Elit Chempionlar ligasi 5-turi doirasida «Paxtakor» safarda Eronning «Istiqlol» jamoasiga qarshi maydonga tushdi.

Dubayda bo‘lib o‘tgan bahs tengkurashlar ostida o‘tib, uchrashuvda hisob ochilmadi – 0:0.

Shu kuni tehronliklar safida Jaloliddin Masharipov to‘liq harakat qilgan bo‘lsa, Maksim Shatskix bu safar ham jamoa yetakchilari Dragan Cheran va Sardor Sobirxo‘jayevni qaydnomaga ham kiritmadi.

Shu tariqa, «Paxtakor» 3 ochko bilan hozircha 8-o‘rinda bormoqda, «Istiqlol» esa 4 ochko bilan 6-o‘rindan joy olgan. Toshkent klubini qolgan 3 o‘yinda «Al-Ayn» (3 dekabr), «Al-G‘arafa» (4 fevral) va «As-Sadd» (17 fevral) bahslar kutib turibdi. Pley-offga chiqish uchun jamoa top-8likdan o‘rin olishi lozim.

Elit Chempionlar ligasi. 5-tur

«Istiqlol» (Eron) – «Paxtakor» – 0:0

«Istiqlol»: 1.Said Hussayn, 2.Muhammad Hussayn, 3.Saman Falloh (6.Iymon Salimi, 64), 10.Ramin Rizoyon, 18.Midod Zakipur (33.Abulfayz Jaloli, 64), 19.Gustavo Blanko (99.Amirali Sodig‘i, 64), 22.Dide Ndong, 55.Rafael Da Silva, 77.Jaloliddin Masharipov, 80.Muhammad Hussayn Islomiy (23.Arman Ramazoni, 83), 88.Arash Rizovand (14.Zubayr Neknafs, 64)

«Paxtakor»: 12.Vladimir Nazarov, 3.Shahzod Azmiddinov, 4.Abdulla Abdullayev, 7.Hojiakbar Alijonov, 8.Diyor Xolmatov, 22.Umar Adhamzoda, 23.Abdurauf Bo‘riyev, 30.Otabek Jo‘raqo‘ziyev (99.Ulug‘bek Hoshimov, 81), 33.Doniyor Abdumannopov, 44.Mahmudjon Mahammadjonov, 55.Muhammadrasul Abdumajidov.