«Real» bosh murabbiyi Karlo Anchelotti La Liga 28-turidan o‘rin olgan «Selta»ga (4:0) qarshi o‘yindan so‘ng o‘z fikrlari bilan o‘rtoqlashdi.

«Ishga to‘g‘ri munosabat, intensivlik, pressingni ko‘rdim. Chorshanba kungidan («Leypsig»ga qarshi, 1:1) yaxshiroq o‘ynash qiyin emasdi. Xursandmiz. Bunday paytda har qanday o‘yin tuzoq bo‘lishi mumkin.

Ikkinchi golni ura olmaganimiz uchun bosim sezdik. Hisob 2:0 ga aylangach, ishimiz osonlashdi. Bosim yuqori, oldinda hali 10 ta o‘yin bor. Durang o‘ynaganimizda, inqirozning boshlanishi bo‘lardi», — deya italiyalik mutaxassisning so‘zlarini keltiradi Marca.