Angliya Premer-ligasi rasmiy sayti aprel oyining eng yaxshi murabbiyi nomini e’lon qildi.

Unga ko‘ra, «Aston Villa» bosh murabbiyi Unai Emeri mavsumda birinchi marta oyning tengsiz murabbiyiga aylandi. Uning qo‘l ostida Birminghem klubi o‘tgan oydagi 7 uchrashuvda 5 g‘alaba, durang va mag‘lubiyat qayd etdi.

Emeridan tashqari, Pep Gvardiola («Manchester Siti», 5 g‘alaba), Roy Hojson («Kristal Pelas», 4 g‘alaba, durang va mag‘lubiyat), Eddi Hau («Nyukasl», 6 g‘alaba va mag‘lubiyat) va Gari O′nil («Bornmut», 5 g‘alaba va 2 mag‘lubiyat) singari murabbiylar da’vogarlar ro‘yxatidan joy olgandi.