Faoliyatida mingta gol urishni maqsad qilgan Krishtianu Ronaldu Sadio Manega penaltini tepishga imkon berdi.

«An-Nasr» jamoasi seshanba oqshomida Saudiya Arabistoni chempionatida «Al-Vahda» ustidan 2:0 hisobida g‘alaba qozondi. Portugaliyalik hujumchi ushbu bahsda hisobni ochgach, 90+10-daqiqada penalti ishladi. Ushbu vaziyatda barcha 40 yoshli forvardning faoliyatidagi 926-golini urishini kutayotgan paytda Ronaldu 9ta o‘yindan buyon gol ura olmayotgan jamoadoshi Manega to‘pni topshirdi. Senegallik futbolchi penaltini golga aylantirdi.

Portugaliyalik forvard o‘yindan keyin muxlislarni Mane qo‘llab-quvvatlashga chaqirdi.