Angliya chempionatining 15-turidan o‘rin olgan markaziy bahsda «Chelsi» safarda hamshahari «Tottenhem»dan tezkor gollar o‘tkazib yuborganiga qaramay, irodali g‘alabaga erishdi.

Solanke, Kulusevskining gollariga Sancho, Palmer (2 ta) hamda Fernandes javob berishdi. Yakunda Son farqni qisqartirdi.

Qatorasiga 4-g‘alabasiga erishgan Mareska jamoasi ochkolarini 31 taga yetkazib, 2-o‘ringa ko‘tarildi va peshqadam «Liverpul»dan 4 ochkoga ortda qolmoqda. «Tottenhem» 20 ochko bilan 11-pog‘onada qoldi.

APL. 15-tur

Tottenhem — Chelsi 3:4

8 dekabr, «Tottenhem Stedium»

Gollar: Solanke (8), Kulusevski (11), Son (90+7) — Sancho (17), Palmer (61 penalti, 84 penalti), Fernandes (74).

Tottenhem – Forster, Udoji, van de Ven (Grey, 79), Romero (Dregushin, 15), Porro, Sarr, Bissuma (Bergvall, 79), Kulusevski (Meddison, 79), Son, Solanke, Jonson (Verner, 53).

Chelsi – Sanches, Kukurelya (Veyga, 90), Koluill, Badiashil, Kaysedo, Fernandes, Laviya (Gyusto, 46), Palmer (Feliks, 90+1), Sancho, Netu (Madueke, 86), Jekson (Nkunku, 76).

Ogohlantirishlar: Laviya (21), Sarr (30), Bissuma (59), Netu (85), Sanches (90+9).