OFK Elit Osiyo Chempionlar Ligasida 5-tur yakunlandi.

G‘arb mintaqasidagi markaziy bahsda «Al Hilol» (13, 2-o‘rin) Qatarda «As Sadd» (9, 5-o‘rin) bilan durang o‘ynab, Saudiyaning boshqa klublari — «Al Ahli» (15, 1-o‘rin) va «An Nasr» (13, 3-o‘rin) kabi muddatidan avval pley-off yo‘llanmasini qo‘lga kiritdi.

BAAning «Al Vasl» (10, 4-o‘rin) jamoasi esa Iroqda «Ash Shorta»dan (2, 11-o‘rin) ustun kelib, keyingi bosqich sari katta qadam tashladi.

O‘zbekistonning o‘tgan mavsumdagi chempioni «Paxtakor» liga bosqichi yakuniga 3 ta tur qolganida 3 ochko bilan 10-pog‘onaga joylashgan. Pley-offga 12 jamoadan 8 tasi chiqadi.

Elit OCHL. G‘arb mintaqasi

5-tur. 26 noyabr

As Sadd (Qatar) — Al Hilol (Saudiya Arabistoni) 1:1

Gollar: Paulo Otavio (72) — Al Bulayhi (10).

Ash Shorta (Iroq) — Al Vasl (BAA) 1:3

Gollar: Yusuf (50) — Jonas Santos (14), Lima (64, penalti), Ximenes (90+1, penalti).