OFK Elit Chempionlar ligasi 4-turi doirasida «Paxtakor» Toshkentda mag‘lubiyatga uchradi.

Ahmad Hazemning 51-daqiqada kiritgan yagona goli qatarliklarga g‘alabani keltirdi. U Vladimir Nazarov darvozasini uzoq masofadan ishg‘ol etishga erishdi.

Shu tariqa, Qatar klubi dastlabki g‘alabasi evaziga 3 ochko bilan 7-o‘ringa ko‘tarildi. «Paxtakor» esa 2 ochko bilan 10-o‘rindan joy olgan.

OFK Elit Chempionlar ligasi. 4-tur

«Paxtakor» – «Ar-Rayyan» (Qatar) – 0:1

Bosh hakam: Iida Jumpei (Yaponiya)

VAR: Kimura Xiroyuki (Yaponiya)

Gol: Ahmad Hazem, 51.

«Paxtakor»: 12.Vladimir Nazarov, 3.Shahzod Azmiddinov (99.Ulug‘bek Hoshimov, 74), 4.Abdulla Abdullayev, 7.Hojiakbar Alijonov, 10.Dragan Cheran, 17.Dostonbek Hamdamov (11.Po‘latxo‘ja Xoldorxonov, 74), 22.Umar Adhamzoda (44.Mahmudjon Mahamadjonov, 86), 23.Abdurauf Bo‘riyev, 27.Sardor Sobirxo‘jayev (40.Kimi Merk, 86), 30.Otabek Jo‘raqo‘ziyev (6.Muhammadali O‘rinboyev, 46), 55.Muhammadrasul Abdumajidov

«Ar-Rayyan»: 48.Paulo Viktor, 2.Murod Nadji, 3.Hazem Ahmad, 4.Juliyen de Sart, 5.David Garsiya, 6.Abdulaziz Hotam, 8.Mahmud Hassan, 10.Rojer Krug, 13.Andre Fonseka, 18.Fransisko Jinella (55.Muhammad Solih, 46), 77.Ashraf Bencharki.