Nikola Milenkovich «Fiorentina»dan «Nottinghem Forest»ga o‘tdi.

Ingliz klubi 26 yoshli himoyachining transferini e’lon qildi. Serbiya milliy jamoasi a’zosi bilan shartnoma 2029 yilgacha mo‘ljallangan.

«Nottinghem» futbolchining transferi uchun Florensiya jamoasiga 12 mln funt to‘laydi, deb yozadi Fabritsio Romano.

Milenkovich Italiya klubida 2017 yildan buyon o‘ynab kelardi. O‘tgan mavsumda himoyachi A Seriyada 34 ta o‘yinda maydonga tushib, 4 bor sariq kartochka olgan.