Germaniyada o‘tayotgan Yevropa chempionatida dastlabki penaltilar seriyasi kuzatildi.

Portugaliya 1/8 finalda Sloveniyaga qarshi to‘qnash kelib, 120 daqiqa davomida raqib darvozasiga yo‘l topa olmadi. 105-daqiqada Ronalduning penaltidan bergan zarbasini Oblak qaytarishga muvaffaq bo‘ldi. Yakundagi «lotereya»da esa katta sahnaga Diogu Koshta chiqdi va 3 ta seyvni amalga oshirib, Portugaliya qahramoniga aylandi.

Portugaliya chorakfinalda 5 iyul kuni Fransiyaga qarshi bahs olib boradi.

Yevro-2024. 1/8 final

Portugaliya — Sloveniya 0:0

Penaltilar seriyasi — 3:0.

1 iyul, «Doyche Bank Park»

Aniq amalga oshirilmagan penalti: Ronaldu (105).

Portugaliya – Koshta, Kanselu (Semedu, 117), Pepe (Ruben Nevesh, 117), Diash, Mendesh, Fernandesh, Bernardu Silva, Palinya, Vitinya (Jota, 65), Leau (Konseysau, 76), Ronaldu.

Sloveniya – Oblak, Stoyanovich (Verbich, 86), Karnichnik, Drkushich, Biyol, Balkovets, Gnezda-Cherin, Elshnik (Ilichich, 105), Shporar (Selar, 75), Sheshko, Mlakar (Gorens-Stankovich, 74).

Ogohlantirishlar: Drkushich (32), Karnichnik (37), Gorens-Stankovich (101), Biyol (106), Balkovets (107), Kanselu (107).