Marselino Garsiya Toral «Vilyarreal»ning yangi bosh murabbiyiga aylandi.

58 yoshli mutaxassis bilan 2026 yilning yoziga qadar shartnoma imzolandi va u seshanba kunidan ish boshlaydi.

Marselino 2013 yildan 2016 yilgacha «Vilyarreal»da ishlagan. Keyin esa «Valensiya», «Atletik» va «Marsel» klublarini boshqargan. U sentyabr oyida fransuz klubini tark etgandi.

13-turdan keyin «Vilyarreal» 12 ochko bilan La Ligada 14-o‘rinda bormoqda. Keyingi o‘yinda jamoa «Osasuna» bilan to‘qnash keladi (26 noyabr).