Hujumchi Serxio Aguero erkin agent sifatida «Barselona»ga o‘tdi. Bu haqda ispan klubi xabar qildi. Читать на Рус языке

Kataloniyaliklar argentinalik 32 yoshli futbolchi bilan 2 yillik shartnoma imzolashdi va uning tovon pulini 100 mln yevro etib belgilashdi.

Aguero 2006-2011 yillarda Madridning «Atletiko» klubida o‘ynagan. U so‘nggi 10 yilni «Manchester Siti» safida o‘tkazgan. Uning shartnomasi 2021 yil 30 iyuniga qadar tuzilgandi va manchesterliklar bu shartnomani uzaytirishni istashmadi.

Aguero «Manchester Siti» bilan besh bor Angliya chempioni bo‘ldi, besh marta Angliya Kubogini, uch marta Angliya Superkubogini va olti marta Angliya Ligasi Kubogini qo‘lga kiritdi. U «shaharliklar» uchun jami 390 o‘yin o‘tkazib, 260 gol urgan va 73 golli uzatmaga mualliflik qilgan.

0