«Chelsi» bosh murabbiyi Tomas Tuxel Angliya Kubogi chorakfinalidan o‘rin olgan «Sheffild Yunayted»ga (2:0) qarshi o‘yindan keyin o‘z fikrlari bilan o‘rtoqlashdi.

«Yarimfinalga chiqqanimiz juda yaxshi, lekin qiyin o‘yin bo‘ldi. Birinchi bo‘limda hammasini nazorat qildik. Ikkinchi taymda esa boshqaruvni yo‘qotdik. Shubhasiz, futbolchilar charchashgandi.

Ketma-ket 14 o‘yinda ilk bor futbolchilarda charchoq sezildi. Ko‘plab kichik xatolarga yo‘l qo‘ydik. Omad kulib boqdi – ikkinchi bo‘limda gol o‘tkazib yubormadik.

Keyingi bosqichga chiqishni maqsad qilgandik va bunga erishdik», – deya Tuxelning so‘zlarini keltiradi VBC Sport

0